Om arkivet

Til og med 2012 byggjer arkivet på dugnadsarbeid frå folk rundt klubben, som gjennom mange år samla resultat, lagoppstillingar, målskårarar og annan kampinformasjon. Frå 2013 blir nye kampar lagde inn kort tid etter at dei er spelte.

Den gamle databasen på klubbnettstaden bygde på statistikk som Olav Paul Jakobsen samla inn, og mykje av det arkivet har frå åra før 2013 kjem frå det arbeidet.

I tillegg har me henta opplysningar frå avisreferat i Sogn, gamle kampsider og arkiva til fotballforbundet. Når kjeldene seier ulike ting, har me teke stilling til kva me meiner er rett. Grunngjevinga finn du på kampen det gjeld.

Den største luka er framleis tidspunktet for måla, men ho har flytta seg. Frå 1978 har alle måla minutt, og syttitalet er nesten komplett. Sekstitalet er me om lag halvvegs på. Før 1960 finst det i praksis ikkje måltidspunkt.

Minutta blei ikkje førte inn i arkivet den gongen, men dei er ikkje tapte. Dei står i avisene. Bergens Arbeiderblad og lokalavisene i Sogn trykte ein faktaboks med skårar og minutt, og dei sidene ligg digitaliserte og opne hjå Nasjonalbiblioteket. Det er derifrå syttitalet er henta. Boksen dukkar opp kring 1970. For åra før må minutta lesast ut av kampreferatet, og det er langt tregare arbeid.

Slik ser det ut, tiår for tiår:

Dataene i arkivet kan brukast fritt, også kommersielt, so lenge du oppgir Sogndal Fotball-arkivet på staonopao.no som kjelde. Lisensen er Creative Commons Namngjeving 4.0 (CC BY 4.0).

Lisensen gjeld arkivet. Avisene og dei andre kjeldene me har henta opplysningar frå, har sine eigne vilkår.